Apps lectoescritura I

Aos nenos/as encántalles a tecnoloxía: móviles, tabletas, ordenadores... Por iso, podemos aproveitar todos estes recursos para mellorar unha habilidade moi importante, a lectoescritura.

A continuación encontraredes unha lista de algúns xogos e aplicacións gratuítas para Android. Inclúense tanto apps de iniciación á lectoescritura como para nenos/as de últimos cursos de primaria.

INICIACIÓN Á LECTOESCRITURA:

LEO CON GRIN: APRENDER A LEER (Android y IOS). 

Grin acompañará aos nenos e nenas en divertidas misións coas vogais e consoantes para que melloren a lectura dunha maneira moi entretida. Contén 13 misións con cada letra, todas elas con dous niveis de dificultade. Ademais, tamén contén unha sección de grafomotricidade para iniciarse na escritura.

EL TREN DEL ALFABETO DE LOLA. 

Neste xogo os nenos/as desfrutarán con Lola e o seu tren á vez que aprenden o alfabeto e novas palabras. Contén catro minixogos e o alfabeto en maiúsculas e minúsculas. Os nenos e nenas avanzarán en lectura e escritura mentres se divirten xogando con Lola!

APRENDO A LEER. SILABARIO. 

Este xogo axuda a mellorar a lectura a través de niveis progresivos. Comeza coas vogais, despois primeira sílaba da palabra e aumenta o nivel de dificultade á vez que o neno/a avanza nos seus coñecementos.

LECTOESCRITURA:

BÚSQUEDA DE LA PALABRA. 

Nesta app atoparedes sopas de letras con varios niveis de dificultade polo que é apta para todos/as nenos/as. Ademais, permite seleccionar diferentes temáticas: animais, flores, alimentos, emocións, etc.

PALABRAS CRUZ. 

É un xogo de encrucillados que pode resultar un desafío para os nenos/as á vez que melloran a escritura e aumentan o vocabulario.

PALABRA CORRECTA. 

Esta  aplicación está pensada para os nenos/as máis maiores. Permite 6 modalidades de xogo: gramática, arma palabra, sinónimos, antónimos, combinado y “trivia cultural”. Con esta app aprenderán coñecementos de gramática mentres se divirten xogando!.