Actividades interactivas

Hoxe compartímosvos unhas magníficas actividades interactivas elaboradas por Crisálida. Estas actividades son moi sinxelas e intuitivas para os nenos/as e teñen un formato motivador para que se divirtan mentres aprenden. Cada actividade está composta por varios minixogos nos que se traballan diferentes aspectos: vocabulario, conciencia fonolóxica, lectoescritura, comprensión, etc. 

A continuación, atoparedes as diferentes actividades ordeadas da máis sinxela á máis complexa. O título levaravos ao enlace de descarga.

“NUESTRO CUERPO” 

A actividade conta con cinco minixogos para aprender as partes do corpo: vocabulario, repasa, escoita e elixe a parte do corpo, escoita e toca a parte do corpo e ordear de máis novo a máis ancián.

“LOS MEDIOS DETRANSPORTE”

Esta actividade conta con 5 minixogos relacionados cos medios de transporte: aprende, repasa, colocar por onde circula cada medio de transporte, memoriza: escoitar e poñer en orde os medios de transporte e clasifica: seleccionar as imaxes do campo semántico dos transportes.

“FRUTAS Y VERDURAS”

Esta actividade conta con 5 minixogos relacionados coas froitas e verduras:

• Vocabulario. Escoitar a palabra e pulsa na imaxe correcta.
• Conciencia silábica. Contar as sílabas de cada palabra.
• Lectura. Seleccionar a palabra que está escrita correctamente.
• Rimas. Relacionar a palabra coa imaxe coa que rime.
• Comprensión oral: Escoitar a descrición e elixir.

“LOS PIRATAS”

Neste xogo o Pirata Patapalo roubou o tesouro e escondeuno nunha illa. Os nenos/as deberán ir a buscalo seguindo un mapa dividido en 5 etapas:

• A costa: Coller as estrelas que comecen pola letra que nos piden.
• Isla Calavera: Coller as formas que acaben pola letra que piden.
• El volcán encantado: Contar as sílabas e salta á pedra.
• La cascada: Pescar o peixe que comece coa sílaba correspondente.
• La tribu: Ofrecer ao Deus o obxecto que remate pola sílaba.

“LA FERIA”

A actividade conta con cinco xogos divididos en 5 casetas nas que se traballará a conciencia fonolóxica.

• Caseta 1. Pinchar o globo que comece pola letra do cartel.
• Caseta 2. Contar as sílabas e darlle ao pallaso que teña ese número.
• Caseta 3: Xirar a noria e dicir unha palabra que teña esa sílaba.
• Caseta 4: Pescar o pato que conteña a sílaba final do debuxo.
• Caseta 5: Xirar a ruleta e dicir unha palabra que remate pola mesma sílaba.

¿Como utilizalas?

• É necesario ter instalado no ordenador PowerPoint (paquete de Office) xa que non é compatible con outros formatos.
• O enlace levaravos a un documento en Google Drive. Para que funcione correctamente hai que descargar o documento no ordenador.
• Unha vez descargadas abrimos o arquivo e... 

¡a xogar!