Querémosvos amosar este Xogo da Oca Humana, que nos presenta Encarni Mindez
Verdejo na páxina de Arasaac e pareceunos
moi divertido para traballar diversos aspectos da linguaxe en familia á vez que
os nenos e nenas o pasan moi ben!
Ofrécense dúas ocas como modelo:
- OCA I: Unha sinxela para os nenos/as máis pequenos con actividades de motricidade grosa e onomatopeas de animais. Apórtanse tamén as Instrucións.
- OCA II: Outra para nenos/as máis maiores, que inclúe adiviñas, imitación de xestos e categorías. Apórtanse as instrucións e o vocabulario de accións, animais e obxectos.
Desenvolvemento do xogo:
Teredes que imprimir as casillas en tamaño grande e distribuílas por todo o
chan da habitación ou da sala.
As fichas serán os propios xogadores e necesitaredes un dado, canto máis
grande mellor, que pode ser con números en vez de con puntos.
O xogo consistirá en ir tirando o dado e cando o xogador caia nunha casilla
terá que realizar a acción que se lle indique. A continuación tirará outro
xogador, e así sucesivamente. Gañará o que chegue antes á meta.
