A atención é como unha lanterna, axúdanos a ver o que enfocamos. Se estamos
nunha habitación ás escuras e alumamos cunha lanterna, só poderemos ver a parte
que esta ilumina. Do mesmo xeito, cando centramos a nosa atención sobre o que
hai que facer, estamos axudando aos nosos ollos a iluminar o que buscamos.
Igual que os músculos do noso corpo se poden exercitar e fortalecer cuns
exercicios específicos, tamén podemos adestrar a nosa atención, centrando os
nosos sentidos segundo necesitemos: ver, escoitar, saborear, ulir ou sentir uns
estímulos sobre outros.
Para adestrar a vosa atención, deixámosvos algunha proposta:
- Estando nunha habitación onde poida haber moito barullo, Intentade centrar os vosos oídos nunha única voz, intentando seguir o que di.
- Cando compartades o xantar coa vosa familia, e metades un anaco de comida na boca, intentade descubrir os distintos sabores que tedes na boca.
- Mirando pola ventá da vosa casa, intentade diferenciar entre os distintos obxectos ou cousas que vedes.
- Recorrede a vosa casa en busca de distintos olores: xabón, colonias, comidas, lixo, ...
- Facede unha lista coas cousas que vos fan poñer a pel de galiña: cóxegas, frío, un esbirro, ...
No seguinte enlace deixámosvos unha recompilación de fichas (recollidas de Orientación Andújar) para axudar ao
voso cerebro a adestrar a atención:
Por último, é moi importante ter presente os seguintes pasos na resolución
de calquera tarefa:
- Saber/entender o que se pide.
- Pensar na súa solución
- Solucionalo
- Revisar a solución
Ningún comentario:
Publicar un comentario