Traductor

xoves, 4 de xuño de 2020

Historia Social: Evitar o contaxio

Cada vez temos máis próxima a “nova normalidade”, pero non debemos esquecer que aínda a Covid19 segue en circulación.
A imaxe que hoxe vos compartimos é unha historia social atopada en ARASAAC e adaptada ao galego. Axúdanos a visualizar os pasos que debemos facer ao volver ás nosas casas, coa finalidade de seguir evitando o contaxio.


Seguro que en cada fogar temos as nosas medidas particulares, pero sirva esta imaxe de exemplo, quedando á vosa disposición se queredes que se vos modifique de xeito máis individual, para o que necesitaríamos coñecer as vosas medidas: que facedes cos zapatos, onde colocades a roupa, ...

Agardamos que vos sexa de gran utilidade!

mércores, 3 de xuño de 2020

Captura o peixe: fonemas.

Hoxe compartimos con vós un xogo de elaboración propia: Captura o peixe! Este material é unha adaptación do xogo popular “Hundir la flota”. 
O material componse de catro taboleiros de xogo, dous por xogador/a,  coas súas respectivas fichas.













¿Que traballaremos?
A partir deste xogo traballaremos a articulación de fonemas. Especificamente dos fonemas: R vibrante, R suave e S.
¿Como xogar?
1. Imprimir o documento PDF a unha páxina por folla. A primeira páxina será necesario imprimila dúas veces. 

2. Recortar o “Taboleiro 2” e os peixes (Páxina 2 do PDF).

3. Estamos listos para xogar! Cada xogador debe ter o
“Taboleiro 1”, “Taboleiro 2” e os animais: unha tartaruga, unha foca, dous golfiños e unha balea.

4. No taboleiro 2 marcaremos con lapis onde se atopan os nosos peixes (Sapoconcho: 1 cadrado; foca: 2 cadrados; golfiño: 3 cadrados e balea: 4 cadrados).

5. Por quendas daremos coordenadas, primeiro da columna vertical e, despois, da horizontal. Exemplo: loro, piruleta
  • Se non hai peixe dicimos: NON
  • Se nese cadrado hai unha parte dun peixe dicimos: PEIXE! Neste caso seguimos xogando.
  • Cando se atopan todos os cadrados que ocupa un peixe dicimos: CAPTURADO!
6. Cada peixe do rival que capturemos colocámolo sobre o “Taboleiro 1”. Gaña o xogador que antes capture tódolos peixes.


A continuación atoparedes os xogos “CAPTURA O PEIXE” que poderedes descargar tanto en galego coma en castelán:
Fonema S: CASTELÁN(1) / GALEGO(2)
Fonema R suave: CASTELÁN(3) / GALEGO(4)
Fonema R: CASTELÁN(5) / GALEGO(6)

-DESCARGAR XOGO-

martes, 2 de xuño de 2020

Educación emocional

 VOCABULARIO EMOCIONAL           

Ficha interactiva, con audio incluído, creada por Fran Villaécija, no seu blog Educar es llegar al corazón, e recollida no blog aula pt. Esta ficha quere poñernos a proba no noso vocabulario emocional.  
O neno/a deberá escoitar o audio de cada letra e escribir no recadro a palabra que describe.
Para ver a actividade, preme no enlace.


A EMPATÍA

A empatía é a capacidade de poñerse no lugar do outro e comprender o que sente, algo que pode traballarse  e desenvolverse. Adquirila axudará ao teu fillo a relacionarse cos demais e a desenvolverse mellor no ámbito escolar, familiar e persoal.
Como se explica no artigo "Por que quiero que mis hijos aprendan empatía en vez de chino". Os nenos empáticos obteñen múltiples vantaxes que lles axudan no centro escolar e fóra del. Unha boa empatía:
-Mellora a percepción das persoas e situacións que nos rodean.
-Exercita as habilidades sociais e a capacidade de interactuar.
-Contribúe ao desenvolvemento emocional.
-Potencia o autocoñecemento e a autoestima.
-Traballa a capacidade de escoitar e o liderazgo.

O dinosaurio de Daniel é un recurso que utiliza un conto para aprender a poñerse na pel de outra persoa e intentar percibir os sentimentos e emocións dos demais.

Preme no enlace, verás que interesante!

luns, 1 de xuño de 2020

Dados máxicos para contar historias

Os dados ou cubos máxicos para contar historias ou Story cubes son un recurso moi interesante empregado para fomentar a creatividade, a memoria, o vocabulario, a expresión oral e escrita.
Normalmente aos nosos nenos e nenas encántalles escoitar contos e tamén inventalos, co cal podemos empregar dende xogos de dados comercializados, ata este outro tipo de ideas que podedes realizar nas vosas casas, que vos ofrecemos a continuación.

Imos a clasificar os dados deste xeito:
  • Dados con imaxes: Empréganse para comezar a crear contos con nenos/as pequenos/as. Conteñen personaxes, lugares, obxectos, medios de transporte, ...





  •  Dados con texto: Para inventar contos máis elaborados con nenos/as máis maiores. Conteñen protagonistas variados, lugares, épocas, accións ou situacións, obxectos máxicos e preguntas.



COMO SE FAN OS DADOS?

Para poder contar as historias o ideal sería que imprimirades varios dados diferentes, por exemplo, un dado de personaxes, outro de lugares, outro de obxectos, outro de medios de transporte,…
No caso dos dados de imaxes, os/as vosos/as nenos/as poderán pintalos das cores que máis lles gusten. 
Unha vez impresos os dados, se queredes podedes poñerlles forro adhesivo para que teñan unha maior duración.
Despois deberán recortalos coa vosa axuda, doblar as solapas, botarlles pegamento, pegalos e deixalos secar.
Aquí vos ofrecemos un vídeo elaborado por El Lapicero Mágico, no que vos explica paso a paso todo o proceso.


COMO SE XOGA?
A forma de proceder será a seguinte. Segundo o número de xogadores establecerase a quenda de xogo. O primeiro xogador tira un dado de  personaxes e outro de lugares, por exemplo, comeza dicindo un principio, e ten que ir inventando o conto incluíndo a ese personaxe que saiu na tirada no lugar correspondente.
O seguinte xogador tira un dado de obxectos e continúa o conto onde o deixou o primeiro.
O terceiro xogador tira un dado de medios de transporte e avanza no conto, e así sucesivamente…
Por último, aportámosvos uns anexos con posibles comezos e finais diferentes para as vosas historias.




Que contedes moitos contos!

“Si queremos enseñar a pensar, debemos antes enseñar a inventar”- Gianni Rodari

venres, 29 de maio de 2020

Matemáticas divertidas!

XOGOS MATEMÁTICOS PARA OS MÁIS MAIORES!


Esta nova entrada do blog, pretende que pasedes un rato divertido con diferentes xogos matemáticos.

Aquí van algunhas ideas! 



Sabueso rétache a unha carreira de calculo mental. Gaña quen chega antes á meta. Atréveste?




Divertido xogo de ciencias. Elixe os xogadores, a cor da vosa ficha, tira o dado e contesta ben as preguntas. Moita sorte!



Por último, se premedes no enlace veredes un divertido xogo de fraccións.









Animádevos a xogar!

xoves, 28 de maio de 2020

Hora de cociñar!- 2

Imos a ofrecervos unha segunda entrega destas receitas sinxelas creadas por Iván González Carro, coa axuda dos pictogramas de Arasaac, para que as poidades realizar de forma conxunta cos vosos fillos e fillas.

Poderedes empregar este momento en familia para traballar cos/as vosos/as fillos/as a linguaxe oral e o vocabulario a medida que ides facendo a receita.
RECEITAS SALGADAS
1.   Tortilla francesa.
2.   Lasaña.
3.   Pan Pizza.

RECEITAS DOCES
4.   Macedonia de frutas.
5.   Galletas de chocolate.
6.   Palmeritas.

Desfrutade moito do proceso e do resultado!

mércores, 27 de maio de 2020

Fichas interactivas Infantil: conciencia fonolóxica.

Hoxe compartimos unhas fichas para traballar a conciencia fonolóxica de maneira interactiva e lúdica. As actividades están enfocadas principalmente á etapa de Educación Infantil.

¿Para que serve traballar a conciencia fonolóxica?
A conciencia fonolóxica e a lectoescritura están intimamente relacionadas. Ésta considerase un requisito fundamental para a adquisición da lectura nas primeiras etapas.

A continuación atoparedes as actividades. Para acceder a elas só teredes que pinchar sobre o título:

“As vogais” Nesta actividade deberán colocar os debuxos que comecen polas seguintes vogais...




“¿Qué empieza por...?” A seguinte actividade consiste en arrastrar cada debuxo á sílaba inicial que lle corresponda.



“La palabra secreta...” Nesta actividade deben pensar cal é a letra inicial de cada palabra e arrastrala á súa casilla. Con esas letras obterán a palabra secreta.

Nota: Se queredes que eles mesmos comproben se están ben as respostas. Ao rematar a actividade deberedes facer clic na palabra “Finish” que aparece ao final do documento e, despois, seleccionar “Check my answers”.