Historia Social: Evitar o contaxio

Cada vez temos máis próxima a “nova normalidade”, pero non debemos esquecer que aínda a Covid19 segue en circulación.

A imaxe que hoxe vos compartimos é unha historia social atopada en ARASAAC e adaptada ao galego. Axúdanos a visualizar os pasos que debemos facer ao volver ás nosas casas, coa finalidade de seguir evitando o contaxio.

Seguro que en cada fogar temos as nosas medidas particulares, pero sirva esta imaxe de exemplo, quedando á vosa disposición se queredes que se vos modifique de xeito máis individual, para o que necesitaríamos coñecer as vosas medidas: que facedes cos zapatos, onde colocades a roupa, ...

Agardamos que vos sexa de gran utilidade!

Saímos de paseo

Parece que vai chegando o día, por fin mañá, domingo 26 de abril, poderá saír do seu encerro a rapazada menor de 14 anos. Sen embargo, esta saída terá que cumprir os requisitos recollidos na seguinte infografía do Ministerio de Sanidade:

As nosas fillas e os nosos fillos, despois de todo o tempo que levan confinados, poden estar experimentando un contraste de sensacións e emocións, ante esta saída, aos que nós temos que estar atentos. Deixamos aquí unhas reflexións realizadas por Álvaro Bilbao, que pensamos é importante ter en conta:

Podedes atopar máis consellos para a saída premendo aquí.

Ánimo, xa vai quedando menos!