DISCRIMINACIÓN AUDITIVA I

Gustaríanos compartir con vós un xogo para traballar a discriminación auditiva de palabras, para realizar con nenos que teñan dificultades para diferenciar auditivamente entre dous sons, tales como P/B, D/T, R/D, R suave/R forte, S/Z. 

O xogo denomínase "Tum, tum, ¿quién es? ¡Abre la muralla!", unha idea aportada polo blog Aula de pt.

Para elo soamente necesitaredes unha caixa de cartón, por exemplo, das de cereais.

Explicación do xogo:

·        Coa caixa de cereais construídes unha torre dunha muralla. Nela debuxades e recortades unha porta e varias fiestras. Podedes tomar como referencia a da imaxe. Por outra banda precisades tamén unha bandeira pintada coas cores que máis vos gusten.

·        Na parede da muralla pegades unha cartulina co son que nese momento escollades para xogar, por exemplo, o R.

·        Nunha das fiestras colocades a bandeira, de tal xeito que indique quen pode entrar ou non na torre da muralla.

·        O neno/a terá que ir dicindo as palabras e decidindo se poden entrar ou non (soamente entrarán as que leven dito son). De cada vez irase dicindo “Abre a muralla!”.

·        Ao final da partida facemos reconto oral das que entraron e das que non. Dese xeito reforzamos as palabras traballadas.

No seguinte enlace atoparedes as imaxes das seguintes parellas: P/B, D/T,
R/D, S/Z e R forte/ R suave. Podédelas descargar en galego ou castelán.

- INFANTIL: P/B e D/T xa que só terán que discriminar o son polo que empeza a palabra.

- PRIMARIA: R/D, S/Z e R forte/ R suave. 

https://drive.google.com/drive/folders/1HaAIaBzemCHdPTC60vrGvx62lJ2w0zAe

SOPRO I

Nos nenos/as pequenos/as os exercicios de sopro son útiles para axudar a que sexan conscientes do acto de respirar e a entrenar os músculos que participan na fala. 

Por iso, tamén deberán realizarse cando aparecen dificultades na linguaxe oral.

O primeiro que deberemos explicar aos nenos e nenas é que a respiración consta de tres fases:

      1ª : Coller o aire ou inspiración - deberá ser sempre polo nariz.

      2ª : Reter o aire uns segundos.

    3ª : Expulsión do aire ou espiración- deberá ser pola boca.

Aquí vos presentamos algún exemplos de actividades sinxelas e divertidas que poderedes realizar cos vosos fillos e fillas empregando materiais que podemos atopar pola casa.

1- Coloreamos soprando! Para isto será necesario: papel, unha palliña e témpera. No caso de non ter cores na casa, pódese utilizar auga con colorante sobre unha cartolina. 

A continuación, deixámosvos a plantilla de “Rincón de una maestra” que poderedes descargar e imprimir. 

https://drive.google.com/file/d/1uJnjT4boXf7u8UFkcWUlnbs2B8nxfYNf/view

  2- Creamos un dragón!. Primeiro cun rolo de papel hixiénico debemos crear o noso dragón. Non vos olvidedes dos ollos, do nariz e, por suposto, do lume. O lume debe ser dun material que o neno/a poida mover con facilidade ao soplar como tiras de papel, fio, etc.

Idea sacada de Babyccinokids

  3- Mover obxectos de papel utilizando unha palliña 

Agora imos practicar a succión. Esta actividade consiste en pescar a maior cantidade de peixes posibles. 

Para elo teredes que imprimir o documento que vos presentamos, pintar os peixes e despois recortar os círculos.

Cunha palliña o neno/a terá que ir succionando e collendo o maior número de círculos posibles para metelos na peceira.

Ata podedes facer un concurso familiar a ver quen consegue meter máis peixes na peceira!

No seguinte enlace podedes descargar o xogo (Sopro I):

https://drive.google.com/drive/folders/1rX2fDZr8X5otgHQtZx-ajqqIsRPzNur1

  4- Xoguete con material reciclado.

Eugenia Romero explícanos nun vídeo no seu blog como facer un xoguete de sopro empregando materiais reciclados. Para elo soamente precisamos:

·         unha botella de plástico de auga baleira.

·         unha palliña flexible,

·         tesoiras,

·         boliñas de papel ou unha pelota lixeira.

Procedemento:
1- Primeiro cortamos a parte superior da botella para facer un embudo.
2- Facemos un burato ao tapón do tamaño da palliña.
3- Acortamos os extremos da palliña.
4- Introducimos a palliña polo burato e colocamos a pelota dentro. Se non tendes unha pelota que pese pouco, podedes empregar unha bola de papel.

 

https://www.youtube.com/watch?time_continue=8&v=2epX5zjioOA&feature=emb_logo