Hoxe celébrase o día da Terra. Parece que
desde que estamos confinados nas casas, os elementos naturais das
nosas paisaxes foron recuperando os seus espazos: aire máis
limpo, animais salvaxes con maior liberdade de movemento, ...
Para celebrar este día, Google dedicou o seu doodle ás abellas,
ese pequeno insecto colorido que nos resulta tan beneficioso.
Ao longo do día de hoxe, cada vez que entremos en Google e premendo
enriba do doodle, podemos axudar a unha delas a recoller o pole das flores e
facer que florezan outras ao seu paso. Animádevos a xogar!
Anímovos tamén a coller unha semente que
teñades na casa: unha pebida de mazá, unha lentella, un garavanzo, ... e
sementala. Necesitaredes: un vaso dun iogur, un anaco de algodón, a
semente e un pouquiño de auga.
Mollade un pouco o algodón coa auga,
colocádeo no vaso do iogur coa semente; poñédeo onde reciba claridade e a
esperar...
Asegurádevos que que o algodón se manteña
lixeiramente mollado.
Observade a semente todos os días para ver a
súa evolución.
Cando isto pase e poidamos saír das nosas
casas, poderemos axudar á Terra, plantando o que conseguimos xerminar na
casa.
Ningún comentario:
Publicar un comentario