Xogos para a casa

Imos a propoñervos agora varios xogos:

“LA BÚSQUEDA DELTESORO”

Trátase dun xogo moi divertido e dinámico para xogar na casa  cos/as vosos/as fillos e fillas, que nos presenta Victoria Bermejo González, empregando os pictogramas de Arasaac.

Con este xogo fomentarase a psicomotricidade grosa e fina, a creatividade, a imaxinación, a expresión oral, e todo o que vos queirades, dependendo das probas que escollades para os/as vosos/as nenos/as.

Neste caso primeiro teredes que preparar as probas. Despois imprimir o pdf, e ter os materiais listos antes de empezar a xogar.

1º Que o/a neno/a escolla o premio, que os papás esconderedes, por exemplo, debaixo da cama, ou noutro lugar.

2º Prepararedes 4 probas que deberá pasar. Por exemplo, unha proba de escritura, outra de lectura de palabras, outra de pintar, unha proba de psicomotricidade, un puzzle, unha manualidade, un memory, …

3º Podemos disfrazar ao/a neno/a de pirata para darlle máis credibilidade, poñéndolle simplemente un pano na cabeza, un parche nun ollo, ou algún outro accesorio similar.

Aportámosvos un pdf coas instrucións e os pictogramas explicativos do xogo. Premede no título para baixalo.

“30 RETOS”

Con este segundo xogo  fomentarase a psicomotricidade grosa e fina, a creatividade, a imaxinación, a expresión oral, e a comprensión lectora.

Está sacado do blog de caperucitafucsia. Consiste en 30 tarxetas nas que aparecen distintos retos con diferentes niveis de complexidade, nos que se irán repasando conceptos como cores, formas, letras, tamaños, …

Podedes plantexalo do seguinte modo: a medida que vaian acadando retos, por exemplo, cada cinco retos acadados, ou cada dez, irán gañando puntos para chegar a un premio final, que podería ser un pequeno xoguete, un paseo, un xeado, un postre que lles guste, …

Premede no título do xogo para baixalo.

Contos con fonemas

Ofrecémosvos unha colección de 18 contos en castelán creados por Santiago  Rodríguez Montes, e recompilados na páxina de Orientación Andújar, para traballar cada unha das consoantes do alfabeto. Primeiro aparece o conto cunha ilustración e ao final a letra para repasar en maiúscula e minúscula.

Con eles estaríamos traballando a lectura, a comprensión oral e escrita, a motricidade fina, e o vocabulario.

Tendes o enlace ao pdf de cada un no propio título.

Serían os seguintes:

	LETRAS	TÍTULOS
1	B	“La Ballena Bibí.”
2	C	“La conejita Cristina busca comida.”
3	CH	“La choza de Charo.”
4	D	“A Dani le duele un dedo.”
5	F	“La fiesta de Fátima.”
6	J	“Julia y Alejandro.”
7	L	“Luca lee su libro.”
8	LL	“Una tarde de lluvia.”
9	M	“La mona María toca las maracas.”
10	N	“Noa va a la nieve.”
11	Ñ	“El cumpleaños de Ñoño.”
12	P	“Paula y su patín.”
13	R	“El perro de Rafa.”
14	S	“Santi no sabe silbar.”
15	T	“La tigresa maquinista.”
16	V	“La granja de Vera.”
17	X	“Félix y su saxofón.”
18	Z	“Zoe va a visitar el zoo.”

“Lee y conducirás, no leas y serás conducido”. Santa Teresa de Jesús.

Manualidades para os máis pequenos!

Xa estamos na recta final do curso, e a veces con poucos materiais que temos na casa, podemos inventar divertidos xogos para os máis pequenos, que os terán entretidos un rato.
Unha idea que vos propoñemos é a creación de quebracabezas con material caseiro. Os quebracabezas teñen un montón de beneficios, entre eles caben destacar:

·         Desenvolven a memoria visual.

·         Desenvolven a concentración.

·         Reforzan o pensamento lóxico.

·         Estimulan a habilidade espacial e matemática.

·         Melloran as habilidades motrices.

·         Ensinan autocontrol, relaxación e reflexión.

·         Mellora a autoestima e a creatividade.
    
 QUEBRACABEZAS PIZZA

Para realizar este quebracabezas, só necesitades un cartón, que cortaredes de forma redonda, para decoralo podedes usar calquera tipo de material. O da imaxe está elaborado con témperas sólidas que secan moi rápido e son fáciles de limpar e gomets. Unha vez que a pizza estea lista, non tendes máis que cortala en cachiños, e a intentar formala de novo!.

QUEBRACABEZAS DE FORMAS XEOMÉTRICAS

Cun cartón e cinta decorativa facemos un cadrado, nese cadrado debuxamos distintas figuras xeométricas que pintaremos de distintas cores. Por último toca recortar as pezas, e a xogar!

O XOGO DE ENCESTAR A BOLA

Como facer un xogo divertido cunha botella reciclada. (Premede no vídeo)

Materiais necesarios:

Unha botella de plástico, tesoiras, rotuladores, pinceis, cordón, unha pelotiña, agulla de coser a lá e unha pistola de silicona.

Por último e aproveitando que temos tan cerquiña a praia, vos propoñemos facer manualidades con pedriñas. SI xuntamos pedras podemos confeccionar diferentes manualidades que vos servirán despois para xogar e aprender, só necesitamos pintura, algún barniz e moita creatividade. 

Aquí vos deixamos algunha idea!. 

  

Esperamos que vos gusten!

Dominós

Hoxe compartimos con vós un material de elaboración propia polas mestras de A.L. a partir de pictogramas de Arasaac: os DOMINÓS. 

Este material é moi útil para traballar a conciencia fonolóxica e iniciar a lectoescritura. Ademais, poderedes desfrutar xogando cos vosos/as fillos/as mentres eles aprenden!

Empregar este material é moi sinxelo: 

1.   Deberedes descargar (atoparedes o enlace ao final) e imprimir os que desexedes. 

2. Os/as nenos/as deberán colorealos ao seu gusto e recortalos. Recomendamos plastificalo xa que o xogo aguantará moito máis tempo!

3.     Unha vez feito isto, poderedes xogar ao dominó cos vosos/as nenos/as!

A continuación presentámosvos os dominós que poderedes descargar. Están ordenados por números e atoparédelos tanto en galego como en castelán.

• Sílabas e animais: castelán (1) - galego (2)

• Palabras cos sons: s, za, zo, zu, ce, ci: castelán (3) - galego (4).

• Palabras con R suave: castelán (5) - galego (6).

• Palabras con R forte: castelán (7) - galego (8).

• Sinfóns e sílabas trabadas: castelán (9) - galego (10).

DESCARGAR O MATERIAL: DOMINÓS

Vámonos de compras!

VAMOS A XOGAR COS CARTOS!

Aquí vos deixamos un divertido xogo didáctico para nenos. A idea é que os máis pequenos se vaian familiarizando cos cartos, coas moedas de euro e cos billetes.

Preme aquí

Na Web mundo primaria, tamén atoparedes un divertido xogo de moedas de céntimo e de euro. O xogo consiste en contestar de forma correcta, por exemplo: Que grupo de moedas forman 35 céntimos?

https://www.mundoprimaria.com/juegos-educativos/juegos-matematicas/juego-monedas

Por último Florentino Sánchez Martín, realizou unhas actividades ineractivas moi divertidas sobre as moedas e os euros. Empezan cunha breve descrición dos tipos de moedas e billetes que existen no noso pais, para a continuación facer diferentes cálculos. 

https://cplosangeles.educarex.es/web/edilim/curso_2/matematicas/monedas01/monedas01.html

Esperamos que vos gusten!

Comprendo a información

Un dos obxectivos máis importantes á hora entender o medio que nos rodea, é extraer a información no formato que esta se nos presente.

Cando facemos a compra nun supermercado temos que atender á letra pequena das etiquetas para coñecer toda a información que dese produto deriva: data de envasado, de caducidade, compoñentes nutricionais, posibles alérxenos, ...

Se temos que realizar algún formalismo, sexa no banco, no concello, no centro de saúde ou no centro educativo, perdémonos con toda a información que se nos pide, moitas veces son datos sinxelos, pero outras veces non tanto.

Para intentar adestrar á nosa cativada para a comprensión da información independentemente do formato no que se nos amose, resulta de moita utilidade poñelos ante situacións reais, sempre atendendo á súa idade.

Unha destas situacións prácticas pode ser no supermercado: pedirémoslles que nos localicen tal produto, sendo este da característica que nos lle indiquemos. Ou que nos miren o prezo dunha froita. Ou que nos busquen as galletas que non teñan glute, ...

Se imos pola rúa, podemos pedirlles que miren o horario dun establecemento, ou o que se nos indica con tal sinal de tráfico, ... Podemos pedirlles tamén que se fixen nas nubes ou nas pólas das árbores para saber se hai vento, se podería chover, ...

En definitiva, é importante que desde moi pequenos vaiamos transmitíndolle a importancia da observación, sendo esta un factor clave para atopar e interpretar a información.

Déixovos un material interactivo, atopado en ARASAAC e adaptado ao galego, para traballar este aspecto tan importante, a observación e comprensión da información que nos facilitan.

Anímovos a ser grandes observadores!

A linguaxe descritiva

Imos a propoñervos varias actividades para practicar a descrición ou linguaxe descritiva xa dende as primeiras idades.

Describir é explicar ou narrar de forma detallada e ordenada como son as persoas, os animais, os lugares, os obxectos e os sentimentos.

Tal e como nos di Isabel Bermejo, describir é "pintar con palabras", e serve, ademais, para traballar vocabulario, expresión e comprensión oral e escrita.

ACTIVIDADE Nº1. A autora desta actividade é Sandra López Abós, de "Comienza La Aventura". Contén varios círculos nos que aparecen características coma "forma", "tamaño", "cor", e "uso", ademais dun total de corenta tarxetas con fotografías de obxectos reais para describir.

PREPARACIÓN DA ACTIVIDADE:

Deberedes imprimir os catro círculos de cores, recortalos, se queredes plastificalos ou pegarlles forro adhesivo para que teñan unha maior consistencia e duración, e preparar pinzas da roupa ou pinzas pequenas de papelería.

As tarxetas non é necesaro que as imprimades, xa que pode ser suficiente con ilas vendo na pantalla do ordenador.

COMO SE XOGA?

O/A neno/a observará ou collerá unha tarxeta e irá colocando as pinzas en cada un dos círculos que indican as diferentes categorías. Por exemplo, se colle a tarxeta do peluche do monstro, colocará unha pinza na cor verde, na forma irregular, en que se emprega para divertirse e en que é de tamaño mediano.

Incluso se podería facer á inversa: Colocar pinzas nas diversas características e dar a elexir ao neno entre varias tarxetas de obxectos para que escolla a que lle corresponde a esa descrición.

ACTIVIDADE Nº2. Agora ofrecémosvos un enlace a unha actividade interactiva para nenos máis maiores, a partir de terceiro curso de Educación Primaria, creada por "el lapicero mágico". Consta de catro apartados: 

1º: Descrición dun personaxe.
2º: Descrición dun lugar.
3º: Descrición de animais.
4º: Descrición de paisaxes.

ACTIVIDADE Nº3. Daniel Hernández Ruiz preséntanos estas cinco actividades interactivas consistentes en aprender a describir de forma física ás persoas:

1- "Descripciones del físico equivocadas", aparece unha descrición con erros e unha fotografía. Observando a fotografía da persoa, trátase de atopar o erro do texto.

2- "¿Quién es?", aparece unha descrición e dúas fotografías. Os vosos/as fillos/as deberán ler a descrición e conforme a ela clicar na fotografía que crean que é a correcta.

3- "¿Quién es quién?", xogarán a adiviñar o personaxe escondido a través dunha serie de preguntas.

4- Memory das descricións físicas.

5- Expresión oral ou escrita.

ACTIVIDADE Nº4. A última das actividades emprega as figuras dos superheroes e as súas descricións. Está elaborada por @caperucitafucsia do blog http://caperucitafucsia.blogspot.com e consta de dezaseis tarxetas con superheroes e as súas descricións e, por outra, seis tarxetas con preguntas sobre as súas características.

PREPARACIÓN DA ACTIVIDADE:

Deberedes imprimir as tarxetas dos superheroes e as das preguntas e despois recortalas. Se queredes pódense plastificar ou forrar con forro adhesivo.

COMO SE XOGA?

Poderase xogar en parella ou en familia.
Deberanse poñer todas as cartas boca abaixo nunha mesa ou no chan e os/as nenos/as terán que escoller unha carta dun superheroe ao azar e ler a súa descrición. Posteriormente, deberán que ir levantando as diferentes preguntas e ir respondéndoas para ese superheroe.
O seguinte xogador escollerá outro ata e realizará os mesmos pasos ca o anterior, así ata completalos todos.

Esperamos que vos gusten!

"La imaginación es una función de la experiencia."- Gianni Rodari